“Сайн оюутан” хөтөлбөр

Монгол улсын засгийн газрын 2016 оны 4 дүгээр сарын 25-ны өдрийн № 229 тогтоолоор “Сайн оюутан” хөтөлбөрийг батласан энэхүү хөтөлбөрийн зорилго  нь дээд боловсролын сургалтын байгууллагад суралцаж байгаа оюутны хариуцлагыг дээшлүүлж, түүний өрсөлдөх чадвар, сурах бололцоог нэмэгдүүлж, оюутны сургалтын төлбөрийн зээлийн нөхцөлийг сайжруулахад оршино.

Зээлд хамрагдах оюутан нь дараах шаардлагыг хангасан байна.

• эрх зүйн бүрэн чадамжтай байх;
• оролцогч сургуульд зохих журмын дагуу элссэн эрхийн бичигтэй, боловсролын асуудал эрхэлсэн төрийн захиргааны төв байгууллагын  “Оюутны мэдээллийн сан”-д бүртгэлтэй байх;

• шинээр элсэгчдийн хувьд элсэлтийн ерөнхий шалгалтын оноо нь 400 буюу түүнээс дээш, бусад оюутны хувьд сурлагын голч дүн нь 2.5 болон түүнээс дээш байх;
• зээлийн үндсэн зээлдэгч нь оюутан, хамтран зээлдэгч нь түүний гэр бүлийн гишүүн байх;
• үндсэн болон хамтран зээлдэгч нь банк, банк бус санхүүгийн байгууллагад хугацаа хэтэрсэн, чанаргүй зээлийн өрийн үлдэгдэлгүй байх;
• үндсэн болон хамтран зээлдэгч нь шүүхийн шийдвэрийн дагуу төлөх өр, төлбөргүй байх;

Оюутан нь дараах бичиг баримтыг бүрдүүлэн оролцогч банкинд хандана. Үүнд:

• Зээл хүссэн өргөдөл;
• иргэний болон оюутны үнэмлэхний нотариатаар баталгаажуулсан
• хуулбар;
• сургуулийн сургалтын төлбөрийн нэхэмжлэл /эх хувиар/;
• гэр бүлийн гишүүний иргэний үнэмлэхний нотариатаар баталгаажуулсан
• хуулбар;
• Бүрэн дунд боловсролын гэрчилгээний нотариатаар баталгаажуулсан хуулбар;
• сургуульд зохих журмын дагуу элссэнийг гэрчлэх эрхийн бичгийн нотариатаар баталгаажуулсан хуулбар;
• гэр бүлийн гишүүний орлогын эх үүсвэрийг баталгаажуулсан баримт
• банкнаас шаардсан бусад баримт

Сайн оюутан хөтөлбөртэй холбоотой мэдээллийг http://www.must.edu.mn/mn/content/show/id/5949 дэлгэрүүлж үзнэ үү.

“САЙН ОЮУТАН” ХӨТӨЛБӨРИЙН ЗЭЭЛИЙН ЕРӨНХИЙ ЖУРАМ

“САЙН ОЮУТАН” ХӨТӨЛБӨР

Энэхүү хөтөлбөрт хамрагдах сонирхолтой оюутнууд бүрэлдэхүүн сургуулийн сургалтын алба болон Оюутны Хөгжил, үйлчилгээний албанд хандана уу.       Холбоо барих утасны дугаар: 11-321184, 11-324590 дотуур утас 1035

ОЮУТНЫ ХӨГЖИЛ, ҮЙЛЧИЛГЭЭНИЙ АЛБА