2026 оны 2 дугаар сарын 06–14-ний өдрүүдэд Япон улсын Хирошимагийн их сургууль-д ШУТИС-ийн БАС-ийн Барилгын инженерчлэлийн тэнхимийн ахлах багш Г.Ариунаа, доктор оюутнууд Т.Норовцэрэн, Т.Үдбал болон сургалтын мастер Э.Дөлгөөн нар ажиллалаа.

Ажлын хүрээнд:

• Барилгын бүтээцийн лабораториудын үйл ажиллагаатай танилцах
• Судалгааны илтгэл, эрдэм шинжилгээний хэлэлцүүлэг зохион байгуулах
• Доктор оюутнууд өөрсдийн судалгааны ажлыг танилцуулж, мэргэжлийн санал, зөвлөгөө авах
• Бакалаврын дипломын хамгаалалтад оролцох
• Цаашдын хамтын ажиллагааны чиглэлийг хэлэлцэх зэрэг арга хэмжээнүүдийг амжилттай хэрэгжүүлэв.

Энэхүү үйл ажиллагаа ШУТИС, БАС болон Хирошимагийн Их Сургууль хоорондын хамтын ажиллагааг өргөжүүлэх, хамтарсан судалгаа, туршилтын ажлыг хөгжүүлэх, ахисан түвшний судлаачдын судалгааны чадавхийг бэхжүүлэхэд чухал ач холбогдолтой үйл ажиллагаа боллоо. Цаашид хоёр сургуулийн хамтын ажиллагааны хүрээнд ШУТИС БАС-ийн ахисан түвшний судлаач, оюутнуудад эрдэм шинжилгээ, судалгааны ажлын туршлага солилцох, хамтарсан төсөл хэрэгжүүлэх боломж улам бүр нээгдэх юм.

Судалгааны туршлага солилцох бүх үйл ажиллагаанд дэмжлэг үзүүлсэн Хирошимагийн их сургуулийн доктор, профессор Хироши Тагава, БАС-ийн захирал Б.Нарантуяа, дэд захирал Ж.Амарбаяр, ахлах багш Т.Мөнх-Өнөр болон Т.Зоригт нартаа гүн талархал илэрхийлье.

Хирошимагийн их сургуультай танилцав
Хирошимагийн их сургуулийн анги танхимтай танилцав	Металл бүтээцийн лаборатори
Төмөрбетон бүтээцийн лаборатори	Модон бүтээцийн лаборатори
Доктор оюутан Т.Норовцэрэн, Т.Үдбал нар өөрсдийн судалгааны ажлын илтгэл хэлэлцүүлж байна.	Бакалавр оюутны дипломын төслийн хамгаалалтын үйл ажиллагаа
Туршилтын хяналтын системийг хэрхэн ажиллуулах талаар зааварчилгааг Х.Тагава багш өгөв.	Туршилтын хяналтын системийг хэрхэн ажиллуулах талаар зааварчилгааг Х.Тагава багш өгөв.