2025 оны 6 сарын 11 - ний өдөр /ШУТИС 8-р байр, 12 давхарт, хурлын танхимд/ БАС-ИБС - ийн Авто зам, Гүүр, Усны барилга байгууламж мэргэжлээр төгсөгч оюутнуудыг тус чиглэлийн ажил олгогчидтой холбох өдөрлөг амжилттай зохион байгуулагдлаа. Авто зам, Гүүр, Усны барилга байгууламж чиглэлээр үйл ажиллагаа явуулдаг 16 байгууллага, мэргэжлийн 3 холбоо болон төрийн өмчит 3 байгууллага оролцлоо.

Өдөрлөгийн хүрээнд ИБС – ын мэргэжил тус бүрээр шилдэг дипломын төсөл шалгаруулсан ба үүнд :

• Авто замын инженерчлэл хөтөлбөр: Г. Чинбат ”Увс аймгийн Улаангом хотоос Увс нуур чиглэлийн аялал жуулчлалын зориулалттай авто замын төсөл”
• Гүүрийн инженерчлэл хөтөлбөр: Б. Энхмэнд “Архангай аймгийн Цахир сумын Ужгийн гол дээрх авто зам, гүүрийн төсөл”
• Усны барилга байгууламж хөтөлбөр: Т. Энхтүвшин “Дорноговь аймгийн Хатанбулаг сумын төвийн үерийн хамгаалалт, зам талбайн ус зайлуулах системийн төсөл” сэдвээр шалгарлаа.
  

  Өдөрлөгийн үеэр Барилга, архитектурын сургуультай хамтран ажиллах санамж бичгийг :

• Зам, Тээврийн Хөгжлийн Төв ТӨҮГ
• Монголын Авто Замчдын Холбоо
• Монголын Авто Замчин Залуучуудын Холбоо
• Монголын Усны Инженерчлэлийн Мэргэжлийн Холбоотой тус тус байгууллаа.
  Салбарын жил бүр зохион байгуулагддаг энэхүү өдөрлөгийг дэмжин ивээн тэтгэж ажилласан “Монголын Авто Замчдын Холбоо”, “Монголын Авто Замчин Залуучуудын Холбоо”, “Монголын Усны Инженерчлэлийн Мэргэжлийн Холбоо”, “Ангад Арвижих” ХХК-д талархал илэрхийлье.
  
  
  

  Салбарын багш ажилчдын зүгээс нийт төгсөгчдөдөө халуун баярыг хүргэж байна.

  2025.06.11