Лабораторийн нээлтэд ШУТИС-ийн Эрдэм шинжилгээ, технологийн газрын захирал Д.Цолмонбаатар, Сургалт, цахим шилжилтийн газрын захирал Н.Эрдэнэхүү, Сургалт бодлого, хөтөлбөрийн албаны дарга М.Эрдэнэтуяа, Захирлын ажлын албаны дарга Н.Ганзориг, БАС-ийн захирал Б.Нарантуяа, Сургалт, чанарын албаны дарга М.Сугар, БАС-ийн эрдэмтэн нарийн бичгийн дарга Б.Аюурзана болон БАС-ийн захирлын зөвлөлийн гишүүд, ХБОИС-ын профессор, багш нар оролцов.

Тус лаборатори нь ХАСК мэргэжлийн бакалаврын хөтөлбөрийн A.WHE318 Дулааны шугам сүлжээ, A.WHE361 ХАСК-ийн системийн хяналт, удирдлага, А.WHE383 Барилга дах сэргээгдэх эрчим хүчний ашиглалт хичээлүүд болон ахисан түвшний А.ЕE788 Барилга дах нарны эрчим хүчний хэрэглээ хичээлд ашиглах дараах сургалтын багц төхөөрөмжүүдээр тоноглогдсон болно. Үүнд:

• Дулааны насосны сургалтын стенд;
• Нар, салхи, устөрөгчийн хосолмол эх үүсвэртэй сэргээгдэх эрчим хүчний сургалтын стенд;
• ХАСК-ийн системийн хяналт, удирдлагын сургалтын стенд;

Мэдээ  боловсруулсан: CEBEC төслийн баг