ИННОВАЦЫН БҮТЭЭЛИЙН УРАЛДААНЫ УДИРДАМЖ

Зорилго:

Судалгаанд суурилсан их сургууль хөгжүүлэх үндэсний хөтөлбөр, ШУТИС-ийн 2030 стратеги төлөвлөгөөний “Бид шинийг санаачлагч, оюуны бүтээлийг үйлдвэрлэл, үйлчилгээнд нэвтрүүлэгч энтрепренер байх” үнэт зүйлийг хэрэгжүүлэхэд хувь нэмэр оруулах, профессор багш нарын шинжлэх ухаан, технологийн шинэ санааг бодит бүтээл болгоход туслах, олон нийтэд таниулан сурталчлах

Зорилт:

• Улс орны тулгамдсан асуудлыг шийдвэрлэсэн байх
• Цаашид инновацын бүтээгдэхүүн болгох боломжтой байх
• Оюуны өмчийн эрхийн баталгаажуулалт хийгдэх боломжтой байх

Уралдааны үе шат:

• Бүртгэл: Уралдаанд оролцох багууд мэдүүлгээ ирүүлэх. Мэдүүлгээ дараах холбоосоор бүртгүүлэх 
• https://docs.google.com/forms/d/e/1FAIpQLSfqlZQY0PEwbICw5DmdnIGQ24klRoXW7ZXB6IargrpokLkEaA/viewform

Загвар файлын дагуу бичсэн бүтээлийн санааны товч танилцуулгыг цахим хэлбэрээр (munkhchimeg.o@must.edu.mn хаягаар), цаасан хэлбэрээр (II-602 тоот өрөөнд) ирүүлэх

Хугацаа: 2020 оны 10 дугаар сарын 23-ны өдрийг дуустал

• 1-р шат: Бүтээлийн санааг сонгон шалгаруулах. Багууд бүтээлийн санаагаа танилцуулга (presentation) хэлбэрээр танилцуулах

Шалгаруулалтыг 2020 оны 10 дугаар сарын 26-ны Даваа гарагт зохион байгуулна.

• 2-р шат: Багуудын санааг бодит бүтээл болгох. Эхний шатнаас шалгарсан 3 багийн санаагаа бодит бүтээл болгох мөнгөн тусламж үзүүлнэ. Багууд бодит бүтээл, бүтээлийн танилцуулга (80x180см хэмжээтэй 1 постер)-аа 2020 оны 11 дугаар сарын 23-ны дотор ирүүлэх

Оролцогчдод тавигдах үндсэн шаардлага:

Барилга Архитектурын Сургуулийн профессор багш, судлаачдын хамтарсан баг бүтээлийн санааг боловсруулж шалгарсан багууд тодорхой санхүүжилт авч бүтээл болгох

• Багийн гишүүд 5 хүртэл профессор багш байх
• Багийн гишүүдийн оролцооны хувийг тодорхойлсон байх
• Салбар дундын баг байж болно

Бүтээлд тавигдах шалгуур үзүүлэлт:

• ШУТИС-ийн 2030 стратеги зорилгыг хангахад чиглэсэн байх
• Хүрээлэн буй орчинд ээлтэй инженерийн шийдэлтэй байх
• Үйлдвэрлэлд нэвтрүүлэх боломжтой байх
• Дотоодын болон гадаадын зах зээлд нэвтрүүлэх бүтээгдэхүүн хөгжүүлэлт хийх боломжтой байх
• Өртөг хямд байх
• Өнгө үзэмж, хийц сайтай байх
• Бүтээл нь зөөж тээвэрлэхүйц, овор хэмжээ багатай байх

Уралдааны урамшуулал, шагнал:

Багуудын ирүүлсэн бүтээлийн санаанаас шүүгчдийн бүрэлдэхүүн 3 багийг шалгаруулж баг тус бүрд 600,000 төгрөгийн санхүүжилт олгож бүтээл хийх материал худалдан авах эрхийг олгоно.

Дараагийн шатанд шалгарсан багуудын ирүүлсэн бүтээлийг шүүгчдийн бүрэлдэхүүн уралдааны үндсэн шалгуурын дагуу үнэлж, шалгаруулна.

• Тэргүүн байр Өргөмжлөл, 2,000,000 төгрөг, Кредитийн урамшуулал (Багийн гишүүн бүрд Б цагт 1 кредит)

• Дэд байр Өргөмжлөл, 1,500,000 төгрөг, Кредитийн урамшуулал (Багийн гишүүн бүрд Б цагт 0.75 кредит)
• Гутгаар байр Өргөмжлөл, 1,000,000 төгрөг, Кредитийн урамшуулал (Багийн гишүүн бүрд 0.5 кредит)

Жич: Шалгарсан бүтээлүүдийн зохиогчийн эрх Шинжлэх Ухаан Технологийн Их Сургууль-Барилга Архитектурын Сургууль болон тухайн багийн хамтын өмч (50:50) байх болно.

Зохион байгуулагч: Барилга Архитектурын Сургууль Захиргаа, Эрдэм шинжилгээний алба