ШУТИС, Барилга Архитектурын Сургууль нь Аз Эко ХХК -тай хамтран ажиллах Санамж бичгийг 2026.03.30-д хийлээ. Аз Эко ХХК нь Байгаль орчны төлөв байдлын үнэлгээ, Байгаль орчны нарийвчилсан үнэлгээ, Байгаль орчны менежментийн төлөвлөгөө, Орчны хяналт шинжилгээ, Химийн хортой болон аюултай бодисын эрсдэлийн үнэлгээ, Байгаль орчны нөхөн сэргээлт, Газрын хянан баталгаа, зөвлөх үйлчилгээ явуулдаг туршлагатай компани юм .

Энэхүү санамж бичгийн хүрээнд Хүрээлэн буй орчны инженерчлэлийн тэнхимийн “Хаягдал боловсруулах технологи” мэргэжлийн болон Байгаль орчны үнэлгээний богино хугацааны чадавхжуулах сургалт, оюутны дадлага, цалинтай оюутан, олимпиад, уралдаан тэмцээн хамтран зохион байгуулах, мэргэжлийн судалгаа, байгаль орчны лабораторын шинжилгээ, төгсөгчдийг ажлын байраар хангах зэрэг хамтын ажиллагааны  чиглэлээр хамтран ажиллах болно.

Мэдээ бэлтгэсэн. Хүрээлэн буй орчны инженерийн тэнхим