2025.10.07-ны 18 цагт 2-202 тоотод БАС-ийн оюутны зөвлөл, ангийн дарга нартай уулзалт хийлээ. Энэ уулзалтад БАС-ийн Захирал Б.Нарантуяа, Сургалт чанарын албаны дарга Ж.Амарбаяр, Эрдэмтэн нарийн бичгийн дарга Г.Адъяажав, Чанарын менежер Э.Оюунзаяа болон нийт оюутны төлөөлөл болох 20 гаруй оюутан оролцлоо.

Оюутнуудад өнгөрсөн хичээлийн жилийн сургуулийн статистик мэдээлэл болон хичээлийн 5-р байр руу нүүсэн тухай, хичээлийн байрны дахин төлөвлөлт, нэгдсэн лабораторийн тухай товч мэдээлэл, танилцуулга хийсэн.

Оюутнуудын зүгээс энэ шийдвэрийг дэмжиж зорилго нэгтэй байгаагаа илэрхийлэв. Оюутны зөвлөлийн зүгээс оюутнуудын дунд хичээлийн 5-р байрны сургалтын орчин, тохижилтын талаар явуулсан судалгаагаа танилцуулсан бөгөөд хийгдсэн засварын ажил, мөн тулгамдаж буй асуудлуудын талаар саналаа солилцлоо.