“Судлаач оюутан-2025” бакалавр оюутны Эрдэм шинжилгээний хурал 2025 оны 10 дугаар сарын 06-ны өдрөөс 10 дугаар сарын 30 хүртэл амжилттай зохион байгуулагдлаа. Уг хурал нь оюутан залуусын судалгааны ажлын ур чадварыг дээшлүүлэх, онолын мэдлэгийг бататгах, техник сэтгэлгээг хөгжүүлэх, харилцан туршлага хуваалцах, хамтран ажиллах нөхцөл бололцоог бүрдүүлэх зорилготой юм. Эрдэм шинжилгээний хурал нь хоёр үе шаттай зохион байгуулагдсан. Эхний шат буюу шилдэг контент шалгаруулалт 10-р сарын 24-өөс 10-р сарын 29-ний хооронд зохион байгуулагдсан. ШУТИС Барилга, Архитектурын Сургууль –ийн фейсбүүк пэйж хуудсанд багуудын судалгааны ажлын богино бичлэг байршуулж олон нийтийн үнэлгээ авсан. Фейсбүүк пэйж дэх бичлэг нэг лайк 1 оноо, нэг шэйр 2 оноогоор олон нийтийн үнэлгээг тооцож шилдэг контентийг шалгаруулсан.

Нийт 22 баг бүртгүүлснээс хугацаандаа материалаа ирүүлсэн 13 баг оролцов.

Үнэлгээний комиссын бүрэлдэхүүнд ЭНБ дарга Г.Адъяажав, Барилгын инженерчлэлийн тэнхимийн ахлах багш С.Пүрэвдорж, Инженерийн байгууламжийн тэнхимийн ахлах багш Б.Аюурзана, Архитектурын тэнхимийн ахлах багш Ө.Наранчимэг, Хүрээлэн буй орчны инженерчлэлийн тэнхимийн дэд профессор Б.Лхагвадулам нар ажиллав.

“Судлаач оюутан-2025” бакалавр оюутны эрдэм шинжилгээний хурлын шилдэг илтгэл, шилдэг контент шалгаруулалт 2025 оны 10 сарын 30-ний өдөр болов. Нийт 13 илтгэл хэлэлцүүлэгдсэнээс доктор (PhD), С.Пүрэвдорж удирдагчтай Ц.Мөнх-Үйлс, Б.Хулан нар " Буурийн жигд бус суултын нөлөөгөөр төмөр бетон каркасан барилгын зоорийн хананд үүсэх ан цав " сэдэвт илтгэлээр Тэргүүн байр; Магистр Д.Болормаа удирдагчтай Ш.Амгаланбаяр “Их дээд сургуулийн барилгын хүртээмжтэй орон зайг үнэлсэн нь (Улаанбаатар хотын их сургуулиудын жишээн дээр)” сэдэвт илтгэлээр Дэд байр; Магистр Б.Мандал удирдагчтай М. Б.Номинжаргал, Г.Дашмаа, Ц.Анужин нар " Анги танхимд дулаан эргүүлэн ашиглагчтай систем ашиглан дотор агаарын чанарт нөлөөлөх, түүний үр ашгийн судалгаа" сэдэвт илтгэлээр Гутгаар байр тус тус эзлэв. Мөн шилдэг контент төрөлд Магистр Ц.Батжаргал удирдагчтай Э.Энх-Амгалан Н.Анхбаяр Т.Гүндэгмаа нар “Явган замын төлөвлөлт ба зорчигчийн сэтгэлзүйн түвшинг үнэлэх судалгаа “ сэдэвт контентоор тусгай байр эзлэв. Судлаач оюутан-2025 бакалавр оюутны эрдэм шинжилгээний хуралд амжилттай оролцож байр эзэлсэн багуудад өргөмжлөл, мөнгөн шагнал, кредитийн урамшууллыг олгов.

 Мөн Шинжлэх ухааны ажилтны өдрийг тохиолдуулан Барилга Архитектурын Сургуулийн бакалавр оюутны эрдэм шинжилгээний хуралд оролцсон багуудын шилдэг постер шалгаруулах өдөрлөг 2025 оны 11-р сарын 17 өдрөөс 11-р сарын 20-ны өдрүүдэд зохион байгууллаа. Постерын уралдаанд нийт 7 баг оролцов.

Шалгаруулалт 11-р сарын 20 нд 11:00 цагаас 2-р байрны 2 давхарт болов. Магистр Д.Болормаа удирдагчтай Ш.Амгаланбаяр “Хөгжлийн бэрхшээлтэй хүнд хүртээмжтэй орон зайг их дээд сургуулийн барилгад үнэлсэн нь (Улаанбаатар хотын их сургуулиудын жишээн дээр)” сэдэвт ханын илтгэлээр Тэргүүн байр; Магистр А.Билигт удирдагчтай Н.Нандинцэцэг, П.Анужин, Ө.Есүйгэн, Ч.Амина, О.Энххүслэн, Н.Жанчив, Д.Нинжбадгар, О.Амар, Г.Батчимэг, Д.Мөнгөнтуяа нар “Архитектурын жижиг элементээр олон нийтийн орон зайн ашиглалтыг сайжруулах судалгаа” сэдэвт ханын илтгэлээр Дэд байр; Доктор (PhD), С.Пүрэвдорж удирдагчтай Ц.Мөнх-Үйлс, Б.Хулан нар " Буурийн жигд бус суултын нөлөөгөөр төмөр бетон каркасан барилгын зоорийн хананд үүсэх ан цав " сэдэвт ханын илтгэлээр гутгаар байр тус тус эзлэв. Шилдэг постер шалгаруулах уралдаанд амжилттай оролцож байр эзэлсэн багуудад өргөмжлөл, мөнгөн шагнал олгов.

Судалгааны ажлаа амжилттай гүйцэтгэж бусдыгаа манлайлан оролцсон нийт оюутнууддаа цаашдын судалгааны ажилд нь амжилт хүсье.

Мэдээ бэлтгэсэн БАС-ЭША