Австрали улсын Куртин их сургуультай хамтарсан хөтөлбөр
хэрэгжүүлэх чиглэлээр ажиллахаар боллоо.
Барилга, архитектурын сургуулийн Барилгын инженерийн салбарын дэд профессор Ц.Оюунцацрал 2024 оны 3 сарын 20-26-ны өдрүүдэд Австрали улсын Куртин их сургуультай ахисан түвшний хамтарсан хөтөлбөр хэрэгжүүлэх, хамтын ажиллагаа хөгжүүлэх чиглэлээр ажиллаад ирлээ.
Энэ удаагийн томилолтоор Куртин их сургуулийн Хүмүүнлэгийн факультетийн гадаад харилцаа хариуцсан захирал Лиза Лим, олон улсын хамтын ажиллагаа хариуцсан зөвлөх Мина Чо, оюутан солилцоо хариуцсан захирал Алисон Жонсон, Дизайн, барилгын сургуулийн захирал Сүй Анн, дэд захирал Франчэско Манчини нартай уулзаж хамтран ажиллах боломжийн талаар санал солилцов.
Мөн Куртин их сургуулийн Дизайн, барилгын сургуулийн хөтөлбөр хариуцсан профессоруудтай Барилгын инженерчлэл 1+1 магистрын сургалтын хөтөлбөрийн төсөл дээр ажиллав.
Эхний ээлжинд хэлний шаардлага хангасан оюутнуудыг нэг семестерийн хугацаатай солилцох, харилцан кредит хүлээн зөвшөөрөх, оюутнуудад тэтгэлэг олгох боломжийн талаар ажиллахаар болов.
Мөн түүнчлэн Куртин их сургуулийн Шинжлэх ухаан, инженерийн факультетийн захирал Вишну Парик, Барилга, механик инженерийн сургуулийн захирал Жонатан Паксман, Хамтын ажиллагаа хариуцсан зөвлөх Саба Амануэл нартай уулзаж хамтран ажиллах талаар санал солилцов.
БАС-ийн багш нар Монгол Улсын төрийн дээд одон, медалиар шагнагдлаа.
“БАРИЛГА-100” Монгол улсын хөгжлийн үндэс болсон барилгын салбарын нийт эрдэмтэн судлаачид, архитектор, инженерүүд, үе үеийн төгсөгч, оюутан залуустаа орчин цагийн БАРИЛГЫН САЛБАР үүсч хөгжсөний 100 жилийн ойн баярын мэнд хүргэе.
ШУТИС-ийн багш Э.Болорцэцэг Сөүлийн Үндэсний Их Сургуульд хот төлөвлөлтийн докторын зэрэг амжилттай хамгааллаа.
Япон улсын Фукуй хотод 2026 оны 8 дугаар сарын 25–27-ны өдрүүдэд болсон Азийн ган гүүрийн тэмцээнд тэргүүн байрт шалгарсан Барилга, архитектурын сургуулийн багш, оюутнуудыг захирлын зөвлөл хүлээн авч баяр хүргэлээ.
ГАНГҮҮР 2026 — ФУКУЙ ХОТНОО ТҮҮХ БИЧЛЭЭ!
