Барилгын механикийн улсын уламжлалт олимпиад болж өндөрлөлөө

ШУТИС-ийн Барилга, Архитектурын Сургууль болон “Баяр багш” сангаас хамтран “Барилгын механик”-ийн улсын уламжлалт олимпиадыг 2 үе шаттайгаар амжилттай зохион байгууллаа.

1-р шатны шалгаруулалтыг барилгын инженерийн чиглэлээр мэргэжилтэн бэлтгэж буй Монгол улсын их, дээд сургуулиуд сургууль тус бүр дээрээ зохион байгуулж дараагийн шатанд оролцох оюутнуудаа шалгаруулав.

Тус олимпиадын 2-р шатны шалгаруулалт 2019-05-11-нд ШУТИС-ийн БАС дээр зохион байгуулагдаж, эхний шатнаас шалгарсан ШУТИС-ийн Барилга Архитектурын Сургууль, Хөдөө Аж Ахуйн Их Сургууль, Шинэ Монгол Технологийн Дээд Сургууль, Үндэсний Техникийн Их Сургуулийн 35-н оюутан мэдлэг, чадвараа сорин өрсөлдлөө.

“Баяр багш” сан, Монголын Барилгын Инженерүүдийн Холбоо энэхүү олимпиадыг ивээн тэтгэж, зохион байгуулах комисст ШУТИС, БАС-ийн Барилгын Инженерийн Салбарын багш нар ажиллав.

Ийнхүү “Статик тодорхой систем” сэдвийн хүрээнд зохион байгуулсан олимпиадад шагналт байр эзэлсэн оюутнуудын шагналыг БАС-ийн захирлын зөвлөлийн хурал дээр гардуулж баяр хүргэлээ.

1-р байр B171350727 М.Мөнхтүшиг         ШУТИС, БАС, ИТДБТөслийн 2+2 хөтөлбөрийн БХБОИ-ийн IIкурс

2-р байр B171350720 Б.Алзахгүй             ШУТИС, БАС, ИТДБТөслийн 2+2 хөтөлбөрийн БХБОИ-ийн IIкурс

3-р байр B171350724 Г.Одбаяр                 ШУТИС, БАС, ИТДБТөслийн 2+2 хөтөлбөрийн БХБОИ-ийн II курс

Тусгай байр B171350230 М.Амаржаргал  ШУТИС, БАС, ИБҮБИ-II курс

Энэхүү олимпиадад оролцсон их, дээд сургуулиуд, нийт багш нар, МБИХолбоо болон “Баяр багш” сангийн хамт олонд ажлын их амжилт гаргахыг хүсэн ерөөе.

Зохион байгуулах комисс