Үндэсний батлан хамгаалахын их сургуулийн хамтарсан хөтөлбөрийн оюутнуудыг хүлээн авлаа
Шинжлэх Ухаан Технологийн Их Сургууль, Барилга Архитектурын Сургууль, Жанжин Д.Сүхбаатарын нэрэмжит Сүхбаатарын болон байлдааны гавьяаны улаан тугийн одонт Монгол Улсын Үндэсний Батлан Хамгаалахын Их Сургуультай 2017 оны 2-р сарын 6-ны өдөр үзэглэсэн, бакалаврын сургалтын хамтарсан хөтөлбөр хэрэгжүүлэх санамж бичгийн дагуу хамтарсан хөтөлбөрийн оюутнуудыг хүлээн авлаа.
ШУТИС БАС-ийн захирал Э.Нинжгарав, сургалтын албаны ажилтан С.Мөнхзаяа нар ҮБХИС-ийн инженер механикийн тэнхимийн дарга дэд хурандаа Э.Нацагдорж, боловсрол сургалтын хэлтсийн ахлах мэргэжилтэн хошууч Н.Цогтгэрэл, хамтарсан хөтөлбөрийн оюутнуудыг хүлээн авч уулзан, сургалтын төлөвлөгөө болон сургуулийн талаар товч танилцуулж, сурлага хөдөлмөрийн өндөр амжилт хүсэн ерөөв.
Санамж бичгийн хүрээнд ШУТИС-ийн БАС, ЭХС-ийг түшиглэн ҮБХИС-н 3-р курсийн оюутнуудад инженерийн боловсрол эзэмшүүлж улмаар 2 их сургуулийн дипломтой төгсөх боломжийг бүрдүүлэх юм.
Мэдээг бэлтгэсэн Э.Бумбаяр
Дэлхийн багш нарын 60, Монголын багш нарын 32 дахь өдрийг тохиолдуулан Шинжлэх ухаан, технологийн их сургуулийн шилдэг эрдэмтэн багш, профессор, судлаач, ажилтнууд шагнагдлаа.
Ахмад багш, ажилтнууддаа ахмадын баярын мэнд хүргэе.
БАС-ийн багш нар Монгол Улсын төрийн дээд одон, медалиар шагнагдлаа.
“БАРИЛГА-100” Монгол улсын хөгжлийн үндэс болсон барилгын салбарын нийт эрдэмтэн судлаачид, архитектор, инженерүүд, үе үеийн төгсөгч, оюутан залуустаа орчин цагийн БАРИЛГЫН САЛБАР үүсч хөгжсөний 100 жилийн ойн баярын мэнд хүргэе.
ШУТИС-ийн багш Э.Болорцэцэг Сөүлийн Үндэсний Их Сургуульд хот төлөвлөлтийн докторын зэрэг амжилттай хамгааллаа.
