IABMAS 2026 олон улсын эрдэм шинжилгээний хурал Америкийн нэгдсэн улсын Флорида мужийн Орландо хотод зохиогдлоо. Хурлын үйл ажиллагаа 7 сарын 6-нд бүртгэл, 7 сарын 7-9 өдрүүдэд хурлын үндсэн үйл ажиллагаа явагдав.

Эрдэм шинжилгээний хурлын эмхэтгэл “Ухаалаг, тэсвэртэй, тогтвортой гүүрийн хөгжил рүү (Moving Toward Smart, Resilient and Sustainable Bridges)” нэртэйгээр дэлхийд тэргүүлэх судлаачдын 7 лекцийн материал, нийт 42 улсын 418 судлаачид, оролцогчдын 409 судалгааны өгүүлэл хэвлэгдсэн.

Эрдэм шинжилгээний хурал нь гүүрийн инженерчлэлийн салбарын хамгийн сүүлийн үеийн дэвшлийг нэгтгэн, эрдэм шинжилгээний судалгаа болон инженерийн практикийг "Ухаалаг, тэсвэртэй, тогтвортой гүүрийн хөгжил рүү" гэсэн үндсэн сэдвийн хүрээнд холбон, хуучин болон шинээр тулгарч буй асуудлыг шинэлэг шийдлээр шийдвэрлэхэд чиглэгдсэн гүүртэй холбоотой өргөн хүрээний сэдвүүдийг хамарсан. Үүнд:

• гүүрийн дэвшилтэт зураг төсөл;
• барилга угсралт ба засвар үйлчилгээ;
• аюулгүй байдал;
• найдвартай байдал болон эрсдэлийн үнэлгээ;
• амьдралын мөчлөгийн менежмент;
• тэсвэржилт ба тогтвортой хөгжил;
• бүтээцийн хяналт;
• үл эвдэх сорилт болон хээрийн туршилт;
• эдэлгээний хугацааг уртасгах;
• засвар, сэргээн засварлалт;
• цуцалт болон зэврэлт;
• хэт ачаалал ба олон төрлийн аюулын үед үзүүлэх гүйцэтгэл;
• стандартчилал;
• гүүрийн менежментийн систем;
• ашиглалтын хугацааны таамаглал;
• санхүүгийн төлөвлөлт ба нийт амьдралын мөчлөгийн өртгийн тооцоо;
• мөн одоо болон ирээдүйн гүүрийн сангийн менежментэд хиймэл оюун ухаан, дижитал ихэр (Digital Twin), робот технологийн өсөн нэмэгдэж буй хэрэглээ зэрэг багтана.

Энэхүү хуралд ШУТИС, БАС-ийн Барилгын Инженерчлэлийн тэнхимийн зөвлөх профессор Я.Дүйнхэржав, Инженерийн байгууламжийн тэнхимийн дэд профессор М.Цас-Оргилмаа, “MIL” ХХК-ийн гүүрийн инженер, БАС-ийн инженерийн байгууламжийн тэнхимийн магистрант Б.Ардах, БНХАУ-ын Харбины Технологийн их сургуулийн оюутан Г.Зундуй нар оролцлоо.

Тус хуралд ШУТИС, БАС-ийн Барилгын Инженерчлэлийн тэнхимийн зөвлөх профессор Я.Дүйнхэржав ORCID-0009-0005-9822-3433 “Reduction in Bridge Dynamic Characteristics with Service Life” сэдвээр MS07 хэсэгт, ШУТИС, БАС-ийн Инженерийн байгууламжийн тэнхимийн дэд профессор М.Цас-Оргилмаа ORCID-0000-0003-1705-311X “Soundness Assessment of the Lun Bridge Over the Tuul River, Mongolia” сэдвээр MS01 хэсэгт, “Experimental Study of 50 m Span UHPC Composite Box Girder” сэдвээр MS15 хэсэгт, ЗТЯ-ны шинжээч, БАС-ийн докторант Ш.Гэрэлт-Од “A Study of the Effects of Freezing-Thawing and Carbonization of Concrete” сэдвээр MS12 хэсэгт тус тус илтгэл хэлэлцүүлэв.

IABMAS 2026 олон улсын эрдэм шинжилгээний хуралд эх орноо төлөөлөн оролцсон судлаачид, инженерүүд, оюутнууддаа эрдэм шинжилгээ, судалгааны ажилд нь өндөр амжилт хүсье.

Америкийн нэгдсэн улс, Орландо хот 2026 оны 7 дугаар сарын 10