“УСНЫ ШИНЖЛЭХ УХААН БА ИНЖЕНЕРЧЛЭЛ - 2025” эрдэм шинжилгээний хурлын удирдамж

Хурлын зорилго: Усны шинжлэх ухаан ба инженерчлэл эрдэм шинжилгээний хурал нь Ус ба Хүрээлэн буй орчны инженерчлэлийн чиглэлээр судалгаа, шинжилгээний ажлыг хийж гүйцэтгэдэг гадаадын болон дотоодын байгууллага, эрдэмтэн судлаачдын ололт, амжилт, туршлагаасаа хуваалцах, мэдлэгээ харилцан солилцох таатай боломжийг бий болгохоос гадна Монгол улсын хөгжилд усны шинжлэх ухаан ба усны инженерчлэлийн оруулах хувь нэмэр, чиг хандлагыг тодорхойлоход оршино. Хурал нь эрдэм шинжилгээний хэсэг болон “Үерийн эрсдэл: судалгаа ба инженерчлэл” сэдвийн хүрээнд техникийн хэлэлцүүлэг зохион байгуулагдана.

Хурлын хамрах хүрээ: Ус ба хүрээлэн буй орчны инженерчлэлийн чиглэлээр үйл ажиллагаа явуулж буй гадаад дотоодын төрийн байгууллагууд, их, дээд сургууль, эрдэм шинжилгээ, инженерийн зөвлөх үйлчилгээний байгууллагууд, эрдэмтэн, судлаачид, инженерүүд, мэргэжилтнүүд, дээрх чиглэлээр суралцаж буй доктор, магистр оюутнууд хамрагдана.

Хурлын зохион байгуулалт:

• Хурлыг 2025 оны 11-р сарын 7-ны өдөр ШУТИС-ийн 8-р байрны 12 давхрын хурлын танхимд 8:30 – 18:00 хооронд зохион байгуулна.
• Хурал нь танхимаар явагдана.
• Хурлын илтгэлүүд Монгол болон Англи хэлээр явагдана.
• Хуралд оролцогчид (илтгэгчид болон зочид) 2025 оны 10-р сарын 15-ны дотор (https://forms.gle/xNS2RUby4MP4u5qQ8) холбоосоор бүртгүүлнэ. Зөвхөн бүртгүүлсэн оролцогчид хуралд оролцоно.

Хурлын сэдвүүд (хязгаарлагдах албагүй):

Эрдэм шинжилгээний өгүүлэл, илтгэлд тавих шаардлага:

• Өгүүлэл нь зохиогчийн болон оюуны өмчийн аливаа зөрчилгүй байна.
• Өгүүллийг Монгол болон Англи хэлээр хүлээн авна. Өгүүллийг 2025 оны 10 сарын 13 хүртэл mongolianhydro@gmail.com хаягаар хүлээн авна.
• Өгүүллийг ШУТИС-ийн өгүүлэл бичих журмын дагуу боловсруулсан байна. (Журам татах: https://research.must.edu.mn/page/104)
• Өгүүллийн үндсэн бүтэц нь удиртгал, арга зүй, үр дүн, хэлэлцүүлэг, дүгнэлт гэсэн хэсэгтэй байх ба бүтэц тодор нэг шатны дэд гарчигтай байж болно.
• Хурлын өгүүлэлд хөндлөнгийн 1 хянан магадалгаа хийгдэнэ.
• Хуралд хэлэлцэгдэх өгүүллийн илтгэлийн хугацаа 15 минут, асуулт хариулт 5 минут байна.

Бүтээлийн эмхэтгэл

Хянан магадалгааны шаардлага хангасан бүх өгүүлэл Усны шинжлэх ухаан ба инженерчлэл сэтгүүлийн тусгай дугаарт хэвлэгдэнэ. Өгүүлэл бүрд DOI дугаар олгогдоно.

Хурлын үр өгөөж

Энэхүү эрдэм шинжилгээний хурал, техникийн хэлэлцүүлгээс дараах үр дүн гарна.

• Монголын судлаачдын эрдэм шинжилгээний бүтээлийн үр дүнг хэлэлцэн, баталгаажуулна.
• Судлаачдын бүтээл эрдэм шинжилгээний сэтгүүлээр дамжин судалгаа болон эдийн засгийн эргэлтэд орох боломж нээгдэнэ.
• Техникийн хэлэлцүүлгээр Үерийн эрдэл, түүнийг бууруулах талаар санал, зөвлөмж боловсруулна.