"Усны салбарт төрийн бус байгууллагуудын оролцоо"

сэдвээр хэлэлцүүлэг болж өнгөрлөө

      Барилга, Архитектурын Сургуулийн дэргэдэх “Усны нөөцийн нэгдсэн менежментийн сургалт, судалгааны төв”, БОАЖЯам, “Усны түншлэл” ТББ хамтран 9 сарын 13 –ны өдөр ШУТИС –ийн төв номын сангийн хурлын танхимд "Усны салбарт төрийн бус байгууллагуудын оролцоо" сэдвээр хэлэлцүүлэг зохион байгууллаа.

      Хэлэлцүүлгийг Барилга, Архитектурын Сургуулийн Хүрээлэн буй орчны инженерийн салбарын дэд профессор, доктор Д.Басандорж удирдан явуулж 100 гаруй  усны мэргэжилтэнгүүд тус асуудлаар өрнүүн ярилцлага хийлээ.

     Хэлэлцүүлгийн үр дүнд Ерөнхийлөгч, УИХ болон Засгийн газарт “Усны бодлого, удирдлага, менежмент, засаглалыг боловсронгуй болгох” чиглэлээр зөвлөмж хүргүүлсэнээр 9 сарын 27-ны өдөр Төрийн ордны иргэний танхимд уг зөвлөмжийн дагуу ярилцаж, “Усны асуудал хариуцсан төрийн захиргааны төв байгууллага” байгуулах саналыг Үндэсний аюулгүй байдлын зөвлөлөөр оруулахаар тогтлоо.

Мэдээг бэлтгэсэн: О.Мядаг